今日坐西北航空NW025班機由東京返上海,如果,由東京返香港就好啦....(我們心想)
(上圖)每日都要買甘多嘢(唔買,成個spring summer collection 就冇reference), 住嘅酒店又遠,budget又tight,冇錢搭的士....10個疲勞x5曰=50個疲勞.....
唔好比個甘反胃嘅譯名嚇窒,風流才子(The Libertine)係電影節,我睇嘅5部戲入面最精彩嘅一部,都係嘅,Johnny Depp有幾可會接爛戲吖!!!而且,噚晚戲院內,觀眾同志們素質高(冇人練外語!)完塲時,仲有好多人起立鼓掌!!!!! 其實想睇嘅戲唔止呢5部,星期五,六都有戲想睇,可惜聽日要去日本,返嚟時電影節都完咗lu!!
噚日放工,自已一個行去搭輕軌(即係好似Bangkok嘅skytrain),嗰條冇崖長路,行咗25分鐘(噚日上海市氣温高違達37.4'c),不過,唔知點解,噚日嘅情景,突然諗起有一年係pattaya過嘅暑假!
噚日37.4'c,今日35'c,但係今日室外好似蒸籠,終於喺5點鐘嘅時候,'天'哥撑唔住...嘩啦啦落大雨,5:00pm,天黑黑,黑到好似12:00am,好恐佈,放工雖然冇雨,但係閃電行雷...見到我喺上海第1,2,3,4,5定6條大閃電...
lalala...落雨塞車,阿婆賴x(改編自'落雨darm遮,阿婆xcare)
又係電影節現塲直擊報導....睇咗部好討厭嘅戲,我最憎最痛恨就係電影入面有動物被虐殺嘅情節,偏偏今日嘅"抗體"(Antibodies),不停出現呢種畫面!!一部被歸類為'懸疑'嘅電影,劇情唔緊湊;懸疑位淺白,只係中間出現血腥畫面,(究竟係咪我腌尖腥悶呢?)導演Christian Alvart,我會記住你個大名,唔希望再睇閣下嘅大作!
(本地的觀眾同志們,你們實在十分好學,尤其喜愛睇戲時練習外語,衷心希望你們早日學有所成...便不需要花錢在電院內,跟着一句冗長的對白唸當中最簡單的單字!!)
今次電影節,總共買咗5部戲,每張戲票附送粗菜館coupon,半隻香妃鷄x5=2.5隻,係咪抵晒?
18/6/06
狹路相逢唔係我今日睇嘅戲,而係現實中上演嘅一幕...之前大家驚忙,冇時間,點知係冇約定嘅情況下,我同momo就係上海影城狹窄嘅電梯門口相逢,就係我出電梯佢入電梯呢一剎那,天大地大,兩個認識嘅香港人竟然甘樣喺上海相遇,中間要有幾多因素去促成呢個結果?如果我唔係噚晚先決定睇呢部戲,我今日就唔會係上海影城出現;如果部戲喺另一間house播放,我就唔需要搭呢部電梯;如果睇完戲我堅持睇晒D字幕先走(睇晒字幕先走係我習慣),我又可能會遲2分鐘先離塲;如果3部電梯我選中另外一部;如果我搭果部電梯中途有人出入,而另外一部電梯先到地下;momo出電梯時我dup低頭玩緊電話,momo唔知望緊乜,唔係前一晚見過momo嘅同事yuki,而yuki又比心機眼望前認出我;如果momo唔係轉工,就唔會出trip上海電影節...太多的因素,細想可能比電影情節更精彩... 多謝yuki認出我,等我可以跟住你哋出入記者中心,哈哈,'立'咗D電影節塲刋,電影介紹...精美過我大嗱嗱拎咗3蚊出嚟買嗰本塲刋多多聲!!!!
今日上海影城有個"夜宴"嘅戲服展,希望過1,2日有時間去睇!!
今日睇咗 "走片情緣"&"Casanova","Casanova"應該遲D香港會上,唔,一部華麗古裝版嘅精裝追女仔,不過我只係想睇Heath Ledger & Sienna Miller. "走片情緣"之前HK電影節miss咗,而家補翻,估唔到呢D愛情喜劇+都市小歷險,我會想睇而又覺得好睇wor!!!
(另外,momo今晚上咗嚟我屋企坐,佢話間屋好舒服,要push三舅父上嚟,三舅父,你幾時得間嚟我屋企坐呢?)
覺得自己好似嚟咗上海好耐,原來都未夠二星期...鬼咩,日日返工,一個星期得一日假,瞓咗又冇時間'larn'街,以我嘅性格,新到個陌生嘅城市生活,點捨得浪費時間去瞓覺,日日都晤夠瞓,時間就覺得過得好慢...
前幾日放工,諗住去報名學油畫,可惜放工後阿畫家女士都收咗工,襯今日放假再去,唔....雖然學費幾相宜,但係我麻麻哋畫家女士啲作品...其實我相講嘅係:畫家女士個gallery位於一個叫'田子坊'嘅地方,'田子坊'只係一條小弄,啲建築物仲係老上海/半中半西,而且入面有好多gallery,studio,手工藝品店,cafe...'田子坊'都幾值得再去
嚟咗二星期,最令人振奮係知道"上海國際電影節"下星期開鑼(朋友話國際知名華裔大導都出席),有好多好多戲想睇!!今日買咗'暗湧'(呢度譯做'無形暗浪'(invisible waves)我知香港都上緊,但係我記得係淺野忠信主演嘅一奪泰國戲,點解塲刋話係荷蘭嘅?
買咗奪'多啦A夢'玩具比自己,30蚊,都真係掙扎咗起碼５分鐘先捨得,話晒假嘢嚟咕喎,當出糧獎勵自已啦!!!2006/06/11
